Buh jingma ki trok kit mawshun iaka leit ka wan u paidbah ong ka FKJGP

Syllad | The Rising MeghalayaOctober 21, 2020

Ki trok ki mawshun kiba kit mawshun na Elaka Narpuh sha Lower Assam (Barak Balley) kila kit palat pud bad buh jingma iaki paidbah kiba iaid ba ieng namar bym don ki lad jingiada.

U Merald Suting, president FKJGP East Jaintia Hills ula ong ba kila lap tynkrein ba ki trok dumper kila kit palat pud ia u mawshun khlem kino kino ki lad jingiada haba iaid ha surokbah ban kit ia une u mar pohkhyndew.

U Merald ula kynnoh ruh ba kine ki trok kila ioh ban iaid laitlan bad kit mawshun palat ia kaba ki dei ban kit bad wat ki nongtrei ka tnad kam khlaw ka Range Forest Office, Umkiang Range ki kubur ba kine ki trok ki kit tam.

Ka FKJGP kala kyntu iaka bor synshar district jong ka East Jaintia Hills bad ka tnad transport ban shimkhia ban pynshitom ia kine ki trok kiba kit tam bad ban pynshitom katkum ki kyndon jong ka aiñ.