Buh jaka sa ka PSA bad ka FAM haka semifinal Republic Day Cup ka WJDSA

Syllad | The Rising MeghalayaJanuary 17, 2024

Ka PSA bad FAM ki la rung sha ka semifinal haka jingialehkai football ki khynnah rit kaba la tip kum ka Under-13 Republic Day Cup Football Tournament 2024 ba la pyniaid da ka West Jaintia District Sports Association (WJDSA).

Kane ka la wan hadien ba ka PSA ka la pynliem iaka Panaliar da 3-1 bad ka FAM ka la pynliem iaka Kseh Sylle Ialong da 2-0 haka jingialehkai Quarter Final kaba la long ha madan Kiang Nangbah Stadium Ladthadlboh, Jowai haka sngi ba Ar.

Iaki kol jong ka PSA la thep da u Chanmiki Myrchiang haka minit kaba 2 & 41 bad u Aiborlang Mulieh haka minit kaba 51. Katba ka shikol jong ka Panaliar la thep da u Sawa o Phira haka minit kaba 16.

Iaki kol jong ka FAM la thep da u Dachanmitre Dkhar haka minit kaba 18 bad u Felixson Suting 54 minit.