Buh jaka sa ka Diengshynrum haka quarterfinal 1st Div ka EJHDFA

Syllad | The Rising MeghalayaNovember 5, 2024

Ka Diengshynrum SC bad Rangad SCSC kila khur jingjop haka jingialehkai 1st Division Football Tournament ba la pyniaid da ka East Jaintia Hills District Football Asssociation (EJHDFA) ha madan artificial turf Diengshynrum, Khliehriat haka 5 tarik Naiwieng.

Ka Diengshynrum SC kala pynliem da 4-0 iaka Rymbai Synrang Shahkhain SC.

Ia kine ki kol jong ka Diengshynrum SC la thep da u Kitbor Rymbai 34′, Lekijuh Dkhar 51′, Rumi Lyngdoh 56′ bad u Bewithus Sympli 77′.

Haka jingialehkai kaba bud, ka Rangad SCSC kala jop da 3-2 iaka Khliehriat West FC.

Iaki kol jong ka Rangad la thep da u Daniel Lamo haka minit 19′, 45’+1 bad u Jerry Lyngdoh 83′. Katba iaki kol jong ka Khliehriat West FC la thep da u Fourningstar Dkhar 48′ bad Silgrak Pala 87′.

Da kane ka nam jop ka Diengshynrum SC ruh ka la rung sha ka quarterfinal.