Buh jaka sa ka Deinshalalu bad ka Sutnga Mission haka quarterfinal 2nd Div ka EJHDFA

Syllad | The Rising MeghalayaSeptember 16, 2024

Ka Deinshalalu bad ka Sutnga Mission SSCC kila lah ha kaban buh jaka ha ka kyrdan quarterfinal haka 2nd Division Football Tournament kaba pyniaid da ka East Jaintia Hills District Football Association (EJHDFA) kaba long haka 16 Nailur ha madan artificial turf Diengshynrum.

Haba phai sha ka jingialehkai, ka Deinshalalu SC kala pynliem da 1-0 iaka Iongkaluh SCSC. Ia kane shikol la thep da u Shemphang Ksih (9). Da kane ka namjop ka Deinshalulu kala wan haka kyrdan kaba nyngkong na ka pool D, kaba wan ba ar ka dei ka Lakadong Umlatdoh.

Haka jingialehkai kaba bud, ka jingiakhun kala kut da mar 1-1 hapdeng ka Musniang SC bad Sutnga Mission SSCC.

Rung quarterfinal ka Rymbai Madanpynriang, Musniang, Ladrymbai Dongwah bad kiwei haka 2nd Div ka EJHDFA

Ka Sutnga Mission kala ioh shuwa ban pynkhih iaka jar lyngba Rilang Wahlang (2). Na kaliang Musniang, kala lah ban tan kylla iaka jingiakhun sha kaba iakhaid lyngba ka kol kaba la thep da u Mardi Rymbai (17).

Baroh ar kine ki kynhun kila buh jaka ialade haka quarterfinal ha kaba ka Musniang kala wan haka kyrdan kaba nyngkong bad ka Sutnga ba ar na ka pool B.

Kine ki ar tylli ki jingialehkai kidei artad ki jingialehkai kaba khatduh.

Haba phai pat sha ki kynhun kibym shym la lah ban ialehkai bha bad kiba hap ban hiar kyrdan sha ka 3rd Division ha ka aiom ban ki kynthup iaka ka Pamrapaithlu SSC, Iapamala United SC, Iongkaluh SCSC bad Rymbai Pohskur SC.

Kine harum ka poin jong ki kynhun ialehkai mynta ka aiom: