Buh jaka ka Umshangïar haka final T20 ka AJCA

Syllad | The Rising MeghalayaApril 3, 2021

Ka Umshangiar kala buh jaka ialade haka kyrdan jong ka final haka Open To All T20 Cricket Tournament kaba pynïaid da ka All Jaintia Cricket Association (AJCA). Kane kala wan hadien ba ka Umshangiar kala lah ban pynliem ïaka 4-Mowkaiaw United da 6 wicket haka jingiakhun semifinal kaba nyngkong kaba long haka sngi Saitjain ha madan Jrisalein, Chutwakhu Jowai.

Ha kane ka jingiakhun ka 4-Mowkaiaw United kala jop iaka jingkynting pisa bad ka la jied ban tied nyngkong.

Ka 4-Mowkaiaw United kala kamai 146 ron na ki 20 overs bad ka la duh noh 8 wickets.

U Markini Lathong  u la kamai  24 ron (3×4), u Bundaki Lathong pat u la kamai 19 ron (3×4 wa 1×6)), U Sate Bareh, u Heipormi Laloo bad u Teilang War jong ka Umshangiar ki la ioh khur mar 2 wickets marwei na ki 4 Overs.

Ka Umshangiar haba beh iaka thong kala pyndep hapoh 18.4 over bad liem 4 wicket. U  Marshall Pariat marwei u la kamai 60  ron (9×4 bad 3×6), u Dauru Lato  u la kamai 28 ron (5×4 wa 1×6), u Teilang War pat u la lah ban kamai 27 runs (2×4 bad 2×6).

U Balambha Shadap  jong ka 4-Mowkaiaw United u la ioh khur 2 wickets na ki 3 Overs.

Ka Semi Final ba ar kan long hapdeng ka Rising Star bad ka Khliehtyrshi Sports Club ha ka 10-04-2021