Buh jaka ka Skhentalang haka football ka ASSA

Syllad | The Rising MeghalayaApril 11, 2021

Ka Skhentalang SC kala buh jaka haka kyrdan jong ka final haka lympung ïalehkai football ka Pre-league Invitation Football Tournament kaba pynïaid da ka Amlarem Sub Divisional Sports Association (ASSA). Kane kala wan hadien ba ka Skhentalang SC kala pynliem iaka Bakur SWSC da 1-0 kol haka jingiakhun semifinal kaba ar kaba long haka sngi Saitjaiñ ha madan mini stadium Lad Japlem, Amlarem.

Ka jingiakhun haka kylla step hapdeng kine ki ar liang mamla kala wai khlem don mano mano ba ïoh pynkhih ïaka jar.

Haba la bteng ïaka jingïakhun haka kyllamiet tang hapoh 3 minit bala ïaid ka jingïakhun ka Skhentalang kala ïoh ban pynkhih ïaka jar lyngba u Timi Ryngkhlem. U Timi khlem pynlehnohei ïa ka kabu ksiar kaba ula ïoh lyngba ka freekick ula ïoh thep iaka kol ha kaba u nongap kol ka Bakur um lah satia ban kyrda iaka bol.

Hadien ba ka Skhentalang kala tam da shikol ka jingïakhun kala shongshit bad kila ïa ñioñ markylliang ban ïoh khyrwit kol, ka Bakur kala pyrshang ha rukom ki jingpyrshang hynrei haduh ba kut ka por ïalehkai kala hap ban hun bad pdiang ïaka namrem.

Da kane ka namjop ka Skhentalang SC kan aireng pyrshah ïaka Pdengkarong YC haka jingïakhun final kaba ïaka tarik ka ASSA kan sa pynbna hadien.