Buh jaka ka Sawlyngdoh, St. Dominic, Laishnong, North Liberty haka quarterfinal ka Subroto Cup ha Jowai

Syllad | The Rising MeghalayaJune 15, 2024

Ka North Liberty HS School, Laishnong HS School, St. Dominic HS School, Sawlyngdoh HS School, Mowkaiaw bad Kiang Nangbah Govt. HS School kila buh jaka ialade haka kydan jong ka quarter final haka Under-17 Boys’ haka Subroto Mukherjee Cup ha Jowai.

Ia kane ka lympung la pyniaid da ka ophis u DSO, Jowai ha madan Kiang Nangbah Stadium.

Haba phai sha ka jingiakhun pre-quarter final haka 14 tarik Jylliew, ka North Liberty HS School kala pynliem iaka Mihmyntdu Secondary School da 1-0. Ka Laishnong HS School kala pynliem iaka On and On English Secondary School da 4-3 lyngba ka Tie Breaker.

Ka St. Dominic HS School kala pynliem iaka Seinraij HS School da 3-0. Ka Sawlyngdoh HS School Mowkaiaw kala pynliem iaka Mihmyntdu RC Eve Secondary School da 2-0. Katba ka Kiang Nangbah Govt. HS School kala pynliem iaka Ummulong Persbyterian HS School da 3-2 lyngba ka Tie breaker.

Haka 15 tarik Jylliew, ka jingiakhun Pre-Quarter Final jong ka kyrdan Under-17 Boys’ kan long hapdeng ka HK. Singh Memorial Secondary School pyrshah iaka St. Claret Sec. School. Ka Kymprup Sec. School pyrshah iaka Lumpyrtuh Sec. School. Govt. Boys HS School pyrshah iaka Nongbareh Lyntiar Sec School.

Katba ka kyrdan Under-15 Boys kan long hapdeng ka HK Singh Memorial Sec. School pyrshah iaka Jaintia HS School. ka Jowai Presbyterian UP School pyrshah iaka Sabahmuswang UP School.