Buh jaka ka Risingsun bad ka Nonglatem haka quarter final Third Div ka WJDSA

Syllad | The Rising MeghalayaMay 4, 2022

Ka Nonglatem bad ka Risingsun Mukhla kila lah ban buh jaka ialade haka kyrdan jong ka quarter final haka lympung ïalehkai 3rd Division Football- ka “2nd Adelbert Laloo Memorial Trophy” kaba pyniaid da ka West Jaintia District Sports Association (WJDSA) ha Kiang Nangbah Stadium.

Haka jingiakhun kaba long haka sngi Balang, ka Nonglatem ka pynliem ïaka Pammanik da 5-0 kol. Ha kane ka jingiakhun kala mih paw kawei ka hattrick kaba khyrwit da u Tomi Lamare (49,59 & 63). ar kol la thep da u Liviving Suja (32, 61).

Haka jingiakhun ka Risingsun Mukhla ka la pynliem ïaka Newhills da 4-2 da ka tie breaker. Haka jingiakhun haka por bala buh ka jingiakhun kala wai mar shikol. U Melvin Lyngdoh (73) ula thep shikol nakaliang ka Risingsun bad u Gabriel Lakashiang (48) iaka Newhill.

Ka jingiakhun pre quarter final lashai ka sngi haka por 1 PM ka Madankynsaw Mookyndeng pyrshah iaka Lumbhahdakha Wahiajer. Haka por 3 PM ka Madan Thadmuthlong pyrshah iaka Mookyrdup.

Haka 6 tarik, ka Maitchaphrang Mootyrchiah pyrshah iaka Royalpole Mihmyntdu haka por 1 Pm, ka jingiakhun kaba bud pat hapdeng ka Khliehmuchut Shangpung pyrshah iaka Iong i dahi FC.

Haka 7 tarik, ka Mawsiang FC pyrshah iaka Lumchyrmang Mihmyntdu haka por 1 PM bad ka jingiakhun kaba khatduh kanlong hadpeng ka Pasyih cultural sports club pyrshah iaka Pateinki Sabah.