Buh jaka ka Maitchaphrang Mowkyndeng & Mookyrdup haka semifinal Third Div ka WJDSA

Syllad | The Rising MeghalayaMay 17, 2022

Ka Maitshaphrang Mowtyrshiah, Madakynsaw Mowkyndeng bad ka Mookyrdup kila lah ban buh jaka ialade haka semifinal haka lympung ïalehkai Third Division- ka 2nd Adelbert Laloo Memorial Trophy kaba pyniaid da ka West Jaintia District Sports Association (WJDSA).

Ka Maitshaphrang Mowtyrshiah kala jop 3-1 kol iaka Nonglatem haka jingiakhun quarter final kaba nyngkong kaba long haka sngi Saitjain ka taiew kaba la dep kaba long ha Kiang Nangbah Stadium.

Katba ka Madankynsaw Mowkyndeng kala jop da 3-1 kol iaka Mawsiang FC Nongkhroh haka sngi Nyngkong.

Ka Madankynsaw Mookyndeng ka la ïoh ban pynkhih jar lyngba u Cornelius Suchiang ba marwei ula thep ar kol (14, 68) bad shikol na u Dangri Phawa (78), Katba ka shikol ka Mawsiang FC la thep da u Ebres Marboh (52).

Haka jingïakhun quarter final kaba lai ka Mookyrdup ka la pynliem da 3-2 ïaka Pasyih Cultural Sports Club.

Baroh 5 tylli kine ki kol kine ki ar liang mamla kila iathep haka kylla miet. Na kaliang ka Mookyrdup la thep da u Nidaiar Kamar (52, 54) marwei ula thep ar kol bad shikol la iarap thep da u Denis Passah (66).

Katba ki ar kol ka Pasyih CSC la thep mar shikol da u Risuk Siangshai (68) bad u Shiningstar Rymbai (79).

Lashai ka sngi ka jingïakhun quarter final kan long hapdeng ka Khliehmuchut Shangpung pyrshah ïaka Risingsun Mukhla haka por 2.00 baje nohphai sngi.