Buh jaka ka Latyrke Mulait Utd haka final Super Division ka Saipung Block Sports Assoc

Syllad | The Rising MeghalayaOctober 1, 2022

Ka super division football kaba pyniaid da ka Saipung Block Sports Association kala jam noh sha kut hadien ba ka Latyrke bad ka Mulait Utd kila lah ban buh jaka ialade shaka final hadien ba kila jop haka 2nd leg semifinal kaba long haka sngi Saitjain haka Lamyrsiang.

Haba phai sha ka jingiakhun ka Latyrke kala jop 2-0 pyrshah iaka Jalaphet Bri Sumer bad ka aggregate da 4-1.

Ia kine ki ar kol ka Latyrke la thep mar shi kol da u Vanlaldon Hmar bad H. Lakhhuan Sanga.

Katba haka jingiakhun ka Lamyrsiang pyrshah iaka Mulait Utd, ka Mulait kala jop da 2-0 bad ka aggregate ka long 3-0. Ia ki ar kol la thep da u Biang Chyrmang bad u Iaraplang Suchen.