Buh jaka ka Lakadong Umlatdoh haka quater final Second Division Football ka EJHDFA

Syllad | The Rising MeghalayaAugust 23, 2023

Ka Lakadong Umlatdoh kala lah ha kaban pynthikna ialade ban buh jaka haka kyrdan quarter final hadien ba kala iakhaid bad ka Iongkaluh SCSC haka jingiakhun ba khatduh jong ka haka Second Division Football Tournament kaba pyniaid da ka East Jaintia Hills District Football Association (EJHDFA) kaba long ha madan phlang plastic ha Diengshynrum, Khliehriat.

Ha kane ka jingiakhun ym don mano mano ba ioh ban pynkhih iaka jar. Da kane ka jingiakhaid namar ka jingtam haka jingioh kamai poiñ naka Pool C, ka Lakadong Umlatdoh kala rung sha ka quarter final ha kane ka kynti.

Haka jingialehkai na ka pool D hapdeng ka Tuberkmaishnong pyrshah iaka Sutnga Mission SSCC kala wai da kaba iakhaid mar 1-1. Ka Tuberkmaishnong kala iohthep kol shuwa lyngba u AR Phawa 12′ bad u Greatstar Pajuh 23′ ula thep iaka kol ka Sutnga ban tan iaka jingiakhun sha kaba iakhaid.

Haba phai sha ka jingialehkai kaba khatduh jong ka sngi, na ka pool A, ka Iapmala Utd kala jop da 1-0 iaka Iatyllilang Hingaria. Ia kane ka shikol ka Iapmala lathep da u Spainlang Lamon 46.