Buh jaka ka All Jaintia Cricket Assoc haka final Inter District U-19 Boys Cricket

Syllad | The Rising MeghalayaApril 26, 2022

Ka All Jaintia Cricket Association (AJCA) kala ioh ban buh jaka ialade haka final na ka Zone 1 haka Inter District U-19 Boys Cricket Tournament hadien ba ka lah ban pynliem iaka East Jaintia Hills da 9 wicket haka jingiakhun kaba long ha Khliehtyrshi haka sngi ba Ar.

Haka miej iakhein point kala kamai 8 point naka Group B bad kiba jop naka Group A kin aireng pyrshah haka jingiakhun final ka ban long 30 tarik une u bnai.

Haba phai sha ka jingiakhun ka EJHDCA kaba la jop iaka toss kala tied shuwa bad kala kamai tang 88 run naka 22 over ha kaba u Nishikania Sinha ula kamai 34 run.

Katba ki nongkawang bol ka AJCA kiba kynthup ia u Saibormiki Passah ula khyrwit 3/17, Puraki Shadap Passah 3/24 bad Chwamiki Ryngkhlem 2/7.

Haba beh iaka thong ka AJCA kala jop suk ia kane ka jingiakhun bad kala liem shi wicket.  

U Jeremaia Mukhim bad u Chwamiki Ryngkhlem kila kamai 44 bad 20 run marwei ban lam lynti iaka AJCA ban khur iaka nam jop kaba bun wicket. U Chwamiki ula khur ruh iaka khusnam player of the match uba la ioh 20 run bad khyrwit 2 wicket bad ai tang 7 run.

Lashai ka jingiakhun kan long haka Group A hadpeng ka, Shillong CA (A) pyrshah iaka SCA B. SCA (B) kala kamai 8 point bad ka SCA (A) 4 point. Haka Zone 2, ka Tura District CA kan aireng pyrshah iaka East Garo Hills ha Tura.