Bthah u DC iaki trai dewiong ban pynpoi iaki kot ki sla ban lilam ia u dewiong

Syllad | The Rising MeghalayaSeptember 2, 2022

U Deputy Commissioner, East Jaintia Hills District, Khliehriat ula pynbna paidbah ba katkum ka hukum jong ka iing Kashari ba don burom High Court, Meghalaya bad ki shithi ba la pynmih na ka Office jong u Deputy Commissioner ka East Jaintia Hills District, Khliehriat, letter No. EJHD/JUDL.55/PT.III/2022/17, Dated 12.05.2022, No. EJHD/ JUDL.55/ PT.III/ 2022/ 65, Dated 17.06.2022 bad No. EJHD/JUDL.55/PT.III/2022/160, Dated 29.07.2022, sa shisien u la pynkynmaw bad la kyntu ia ki Trai Dewiong kiba paw kyrteng ha ka “Coal Inventory List” bad haka “Report on assessment of extracted Coal Stocks”, ba kin pynpoi noh ia ki Form bad ki kot ki sla ba donkam sha ka Office u Deputy Commissioner, East Jaintia Hills District, Khliehriat ha lane shwa ka 16 Tarik u bnai September, 2022 ryngkat bad ki kot ki sla kiba donkam kumba la kdew harum na ka bynta ban leh auction ia u Dewiong.

Ki kot ki sla ba donkam ki ba hap ban submit:

Ka Form kynthup ia ka EPIC Card
Bank Account Details
Ka affidavit ban pdiang bad ban bud ia ki kyndon ba la buh ha ka “ Comprehensive Plan” bad “Scheme for spot e-auction” ba la pynkhreh lyngba ka jingiatreilang jong ka Sorkar jylla bad ka Coal India Ltd.

Ia kine ki documents lah ban ioh na ka website jong ka tnad Mining bad ki dei ruh ban submit ia ka test report ban pynshisha ia ka GCV jong u Dewiong.