Bthah u DC iaki trai dewiong ba don jingkhein ban pynpoi iaki kot ki sla

Syllad | The Rising MeghalayaJune 22, 2022

U Deputy Commissioner, East Jaintia Hills District, Khliehriat ula pynbna paidbah ba katkum ka shithi No. EJHD/JUDL. 55/PT.III/2022/17, Dated 12. 05. 2022 ba la pynmih da ka Office jong u Deputy Commissioner ka East Jaintia Hills District, Khliehriat, sa shisien la kyrpad jur ia kito ki trai dewiong kiba paw kyrteng haka “Coal Inventory List” bad haka “Report on Assessment of Extracted Coal Stocks” ba kin sngewbha ban pynpoi noh ia ki Form bad ki kot ki sla ba donkam ha lane shwa ka 30^th tarik u June, 2022.

Ki kot donkam ki ba hap ban submit ryngkat bad ka Form ki kynthup ia ka EPIC Card, Bank Account Details, ka affidavit ban pdiang bad ban bud ia ki kyndon bala buh ha ka “Comprehensive Plan” bad ka “Scheme for Spot e- auction” ba la pynkhreh lyngba ka jingiatreilang jong ka Sorkar Jylla bad ka Coal India Ltd.

Ia kine ki kot ki sla (documents) lah ban ioh na ka website jong ka tnad Mining, bad ki dei ruh ban submit ia ka test report ban pynshisha ia ka GCV jong u Dewiong.