Bthah ka JHADC iaki nongbat permit ba shong die ha Iaw Thymme Jowai ban wan register iaki mar

Syllad | The Rising MeghalayaMay 6, 2021

Ka Special Officer (SO) jong ka Jaintia Hills Autonomous District Council (JHADC) kala bthah ia baroh ki nongbat permit kiba shong die haki basa iew ha Iaw Thymme, Ladthadlaboh, Jowai ban kin wan ban register iaki jait mar kiba hap haka essential commodities ne ki mar bam mar dih.

Katkum ka jingpynbna kaba la pynmih haka 6 tarik Jymmang, ka Special Officer, JHADC kala bthah ia baroh ki nongbat permit ba kin wan registered haka 7 tarik Jymmang haka por 11 AM haduh 3 PM ha kamra treikam jong ka.

Ka jingthmu ban register ia ki mar ka dei na ka bynta ba ka JHADC kan sdang ban pyntreikam iaka Odd bad Even number khnang ki nongshong die jingdie kin ioh ka lad ban shong die jingdie yn da la plie biang iaka iew kaba ki nongshong die baroh kin hap ban bud iaki kyndon bala bthah ka sorkar ban iakhun iaka jingpur ka khlam COVID-19 da kaba pynduna iaka jinglum paidbah ha ki jaka iew.