Bteng shlei um ka surok bah yn khang noh ka KSU iaka toll plaza Lumshnong

Syllad | The Rising MeghalayaApril 13, 2022

Ka KSU Narpuh circle haka sngi Balang kala pynbna ban kan khang tala shwa shipor ia ka Toll Plaza/tollgate ba don ha Lumshnong namar bym leh eiei ia ka jingdap um ha NH-6 hajan police station Lumshnong kaba la jan dap shi bnai mynta.

Ka KSU kala ong ba ka NHAI ka shu leh mynthi iaka jingud jingnam u paidbah khlem maramot iaka jaka shlei um ka surok ha kaba ki paidbah kila iakynduh mawsiang ban iaid ban ieng khamtam ki kali rit ki hap ban iaid na surok khlaw ryngkat ka ktieh.

Ki don bun tylli ki kali rit ba iaid lyngba kane ka thwei hapdeng surok kiba la sniew ki engine bad ki tiar kali.

U Skhemlang Lapasam Organising Secretary KSU Narpuh Circle ula ong ba kan ai por tang shisngi ban maramot iaka jaka shlei um ha Lumshong, Kuliang bad kumjuh ban shna iaki nala um ha shilynter u surok bah.

Mynta ka surok ha baroh shilynter kala sdang ban jot tang 6 bnai ym pat dep ka jingmaramot bad kane ka jia long namar ka jingtrei torti.