Bteng ki shipai ban kurup masi ha khappud

Syllad | The Rising MeghalayaNovember 25, 2019

JOWAI: Ki shipai iada khappud BSF kila bteng ban kurup ïaki masi kiba thmu ban shalan tuh sha Bangladesh.

Ki shipai BSF jong ka Nongkhen BOP haka 21 tarik haka por 8:30 Pm kila ioh kurup haduh 25 tylli ki masi  katba ki dang pahara ïa u pud u sam ka Ri, kaba hap ha Dawki Police Station.

Tang ha une u bnai ki shipai BSF kila kurup 49 bad ki 10 tylli ki muid kiba thmu ban shalan tuh.

U SP jong ka West Jaiñtia Hills District, ula kyntu ïaki trai masi bad kino kino kiba don jingtip halor ka jingshah tuh ban wan mih sha  Dawki Police Station.