Bteng ka Lion S&YA ban khur nam jop haka District Cricket League ka WJHDCA

Syllad | The Rising MeghalayaApril 6, 2024

Ka Lion Sports Youth Affairs (LSYA) ka la bteng ban khur jingjop haka jingialehkai ‘District Cricket League 2024’ hadien ba kala lah ban pynliem iaka CYC Mowkaiaw da 135 run. Ia kane ka lympung la pyniaid da ka West Jaintia Hills District Cricket Association (WJHDCA) ha madan Khliehtyrshi Mini Stadium haka sngi Saitjain.

U namtam ha kane ka namjop ka Lion SYA u dei u Deibormi Rangad ha kaba ula ioh ban khur iaka nam Man of The Match haka sien kaba ar hadien ba ula ialehkai bha. U Deibormi marwei ula khyrwit 86 run na ka 79 bol bad ar wicket kaba la iarap shiklatdei eh iaka kynhun jong ka Lion ban ioh ban buh iaka thong kaba 207 bad liem 7 wicket na ka 35 over.

Nalor u Deibormi, u Heiyoomiki Ryngkhlem ula kamai 44 run naki 68 bol. Katba ki nongkawang bol jong ka Lion kiba la ioh khur wicket ki dei u Wijan Pohleng-3 wicket naka 3 over bad u Peterson Lamare 2 Wicket naka 4 over.

Katba na ka liang ki nongkawang bol ka Cultural Youth Club Mowkaiaw u Grateful Lyngkhoi bad u Regardful Lapasam kila khur mar 2 wicket naki 7 Over.

Haba beh iaka thong ka Cultural Youth Club Mowkaiaw ka la lah ban tied tang 71 run bad liem lut baroh 10 wicket haka 14.4 over. U Rangdamon Laloo ka Mowkaiaw ula kamai 24 run naki 22 bol.