Bteng ka Kiang Nangbah Govt HSS, Ialong SS ban khur namjop haka Subroto Cup u DSO Jowai, lashai yn sdang sa ka Under-14

Syllad | The Rising MeghalayaJune 10, 2022

Ka khynnah skul jong ka Kiang Nangbah Government Higher Secondary School, Ialong Secondary School kila bteng ban khur namjop haka lympung ialehkai football ki khynnah skul- Inter School Subroto Cup kaba pyniaid da u District Sports Officer, West Jaintia HIlls District, Jowai kaba la iaid shait shait ha Kiang Nangbah Stadium.

Haka jingiakhun kaba long mynta ka sngi, ka Ummulong Presbyterian HSS kala pynliem da 2-0 kol iaka Moodymmai SS.

Ka Amlarem SS kala jop 3-0 kol iaka Jowai Govt UP RMSA.

Haka ka jingiakhun ka Jowai Presbyterian HSS pyrshah iaka QC Springside HSS, ka Jowai Pres HSS kala pynliem da 4-1 kol QC Springside HSS.

Ka HK Singh Memorial SS kala khur iaka jingjop kaba nyngkong da 3-0 kol pyrshah iaka Jaintia HSS.

Ka Ialong SS kala jop iaka jingiakhun kaba ar jong ka hadien ba kala lah ban pynliem da 1-0 kol Padu Secondary School.

Ha ka jingiakhun kaba khatduh ka Kiang Nangbah Government HSS kala bteng biang ban khur iaka nam jop jong ka hadien ba kala pynliem 2-0 kol iaka Seinraij HSS.

Ka jingiakhun lashai:
Under 17 Boys’ – Little Flower HSS Ummulong vs Govt Public School
Under 17 Boys’ – Thangbuli HSS vs Nartiang Presbyterian HSS
Under 14 Boys’ – Little Flower HSS Ummulong vs Lumpyrtuh SS
Under 14 Boys’ – Amwi Jarain SS vs Jaintia HSS