Beh krad ka KSU Nartiang Modop iaki bar jylla
Ka KSU Nartiang Modop Unit ryngkat ki bor shnong kila beh krad iaki bar jylla ba wan trei beaiñ khlem ki kot ki sla shaka thain Nartiang haka sngi Thohdieng.
Ia kine ki bar Jylla la bat bad beh da ka KSU Nartiang Modop unit haka jingialam u president u Biril Talang bad general Secretary u Lambert Sajem ha ryngkat ki dkhot bad ki nongialam shnong.
Kine ki bar Jylla ki don haduh 6 ngut bad kiba thmu ban leit sha Mynsngat ban trei ha kawei ka petrol pump thymmai kaba don ha Mynsngat, ong u kyrwoh ka KSU bala phah da u Juhhi Tariang Publicity Secretary Nartiang Circle.
Kat KSU kala pynpaw jinglyngngoh ba kumno kine bar jylla ki ioh ban rung khlem da don ki kot ki sla kiba biang ha kum kane ka por ba dang don ka jingkhangdam ban iakhun pyrshah iaka khlam COVID-19 haba iaki trai shnong haba leit sha Jowai/Shillong la don ba bat ha lynti. Kat KSU kala buh jingjylliew balei kine bar jylla pat ki ioh ban iaid sahuh katba mon khlam Kano kano ka jingteh jingkhum.
Ka KSU kala kyntu ia ki kontraktor/ Malik ne ki nong pyntrei iaki kam bapher bapher haki bar jylla kim dei ban ai kam pathar tang haki bar jylla bad la kyntu ban aikam ruh iaki trai shnong hakum kane ka por ba hiran ka ioh ka kot.
La ban jur ruh iaki Dorbar shnong ba kin peit ngor khnang ban lah ban teh lakam iaki jing rung kyrthep ki bar jylla sha kane ka dong ka thain jong ngi ha kum kane ka por.
Facebook
Instagram
Youtube
Twitter
Leave a Reply