Beh krad ka JSU iaki nongtrei ka REC PDCL

Syllad | The Rising MeghalayaJune 8, 2021

Ka Jaintia Students’ Union (JSU) kala beh krad iaki nongtrei jong ka Rural Electrification Corporation Power Distribution Company (REC PDCL) kiba shim wai ban pyniaid iaka kam bording sha ka thain nongkyndong na ka MeECL haka sngi ba Ar.

Ka JSU kala lap ia kine ki nongtrei REC PDCL ha lynti ban rung sha ka ophis jong ka MeECL, Jowai.

Ki nongialam ka JSU naduh Jersom Shylla president, u Assistant General secretary u Nilkee Mukhim bad kiwei kim shym la ailad ia kine ki nongtrei ka REC PDCL ban rung sha katei ka ophis.

Ka JSU kala kynthoh bad buh jingkylli ia ka sorkar ba kumno kine ki briew ki wan shapoh Jaintia ha kum kane ka por ba ka jingpang khlam Covid- 19 ka wan ban lynsher haka Jylla.

Kiba bun ki nongmihkhmat ruh kila pyrshah iaka jingthmu lilam iaka Shillong Central Distribution Circle and Eastern Distribution Circles, hynrei sop sop kine ki briew jong ka REC PDCL, hato kano kam don kaei kaei sha lyndet ne la dep ban die iaka MeECL sha kane ka REC PDCL la buh jingkylli ka JSU.

Ka JSU kala ong ba kan nym aili namar kane kan ktah iaki trai ri trai muluk bad la dawa na ka sorkar ban pyndam iaka jingthmu lilam iaka MeECL.