Bat ka WJDSA ia ka kyrdan ba nyngkong ha ka U-14, U-16 Zone B ha ka Meghalaya Youth League

Syllad | The Rising MeghalayaSeptember 15, 2024

Ka West Jaintia District Sports Association (WJHDA) ka la pynskhem ban bat ha ka kyrdan kaba nyngkong ha ka U-14 bad U-16 jong ka Zone B ha ka lympung ialehkai phutbol ‘Meghalaya Youth League 2024’ ba la pynlong da ka Meghalaya Football Association (MFA) ryngkat ka jingkyrshan ka sorkar Meghalaya.

Kane ka la wan long hadien ba ka WJDSA ki jingialehkai kiba la long ha ka 14 tarik Nailur ka la jop da 4-0 pyrshah ia ka Amlarem Block Sports Association kaba la wan ha ka kyrdan kaba ar ha ka U-14 ha kaba u Kaisarmi Dkhar u la ioh ban thep ia ka hattrict, katba ka la iakhaid da 1-1 ha ka jingiakhun ha ka U-16.

Mynta ka West Jaintia ka la ioh ban khur haduh 21 katba ka  Amlarem da 13 ha ka U-14 bad  17 point la 11 point ha  U-16.

Kumjuh ka Laskein Block Sports Association ka la pyndep ia ka jingialehkai kaba khatduh jong ka samoi da 2-2 pyrshah ia ka East Jaintia District Football Association ha ka U-14, katba ka East Jaintia ka la jop da 1-0 ha ka U-16.

Ha ka Zone C, ka Ri-Bhoi District Sports Association ka la pynliem noh ia ka Sohra Sports Association ba baroh ki artylli ki jingialehkai, kata da 5-0 ha ka U-14 bad 10-0 ha ka U-16, ha kaba u Iaisynroplang Syiemlieh bad  Me-u-ba-ai Sumer ki la ioh ban hep ia ki hattrict ha kine ki artylli ki jingialehkai.

Katba ha ka U-16 ka  Shillong Sports Association ka la lah ban pynliem noh ia ka Ri-Bhoi Association da 4-0. Hynrei ka RBDSA ka dang lamkhmat ha baroh ki artylli ki kyrdan ialehkai katba ka Shillong ha ka kyrdan kaba ar.

U-14 result jng ka 14 tarik Nailur
Zone B – West Jaintia District Sports Association 4 – 0 Amlarem Block Sports Association
Zone B – Laskein Block Sports Association 2 – 2 East Jaintia District Football Association
Zone C – Ri-Bhoi District Sports Association 5 – 0 Sohra Sports Association
Zone D – Mawshynrut Sports Association 0 – 5 Nongstoin District Sports Association
Zone D – Pyndengumiong District Sports Association 1 – 0 Mawkyrwat District Sports Association
Zone D – Eastern Border Sport Association 2 – 0 Tyrsad Area Sports Association

U-16 result jong ka 14 tarik Nailur
Zone B – West Jaintia District Sports Association 1 – 1 Amlarem Block Sports Association
Zone B – Laskein Block Sports Association 0 – 1 East Jaintia District Football Association
Zone C – Shillong Sports Association 4 – 0 Western Ri-Bhoi Sports Association
Zone C – Ri-Bhoi District Sports Association 10 – 0 Sohra Sports Association
Zone D – Mawshynrut Sports Association 0 – 4 Nongstoin District Sports Association
Zone D – Pyndengumiong District Sports Association 1 – 0 Mawkyrwat District Sports Association
Zone D – Eastern Border Sport Association 2 – 2 Tyrsad Area Sports Association