Bat ka East Jaintia Hills ia ka kyrdan ba hakhlieh ha ka iakop niah Cycle ha Meghalaya Games

Syllad | The Rising MeghalayaJanuary 20, 2024

Ka East Jaintia Hills District ka la bat ia ka kyrdan ba hakhlieh duh napdeng ki district ha ka jingiakop niah Cycle jong ka Meghalaya Games kaba 5 kaba la long ha Tura.

Ha kane ka jingiakop kaba la long naduh 17 haduh 19 tarik ha Rongkhon bad Darechikgre, ka EJH ka la la lah ban kan khur haduh 12 tylli ki takma kiba kynthup ia 5 tylli ki takma ksiar, 4 ki takma rupa bad 3 ki takma rnong.

Ka Eastern West Khasi Hills ka la ioh ba kan khur 7 tylli ki takma, kynthup ia 3 tylli ki takma ksiar, 3 tylli ki takma rupa lem bad kawei ka takma rnong. Ia ka kyrdan balai la ioh ban bat da ka South West Khasi Hills kaba la khur 8 tylli ki takma, kynthup ia 2 tylli ki takma ksiar, 3 tylli ki takma rupa lem bad 3 tylli ki takma rnong.

Tyngshain ka samla na East Jaintia Hills haka iakop niah cycle haka Meghalaya Games

Ka North Garo bad ka West Garo Hills ki la khur mar kawei ka takma ksiar. Katba ka East Khasi Hills ka la khur 2 tylli ki takma rupa bad 2 tylli ki takma rnong.