Ban pynmih pisa ia kiba duna haka bor met, pynlong ka JSM da ka football 7 Aside

Syllad | The Rising MeghalayaApril 18, 2021

Kum shibynta ban pynmih pisa ban iarap ia ki briew kiba duna haka bor met, ka JSM Mynsngat unit ha ryngkat ka jingiatrei lang bad Ka JSM Central body kala pynlong da ka jingialehkai 7 A Side Football Tournament 2021 haka shnong Mynsngat kaba la sdang haka sngi Saitjain.

Ia kane ka jingialang la plie da Paila Kordor Lyngkot president ka All Jaintia Tourist & Commercial Vehicle Association haka jingiadonlang u Presmi Suting president JSM Mynsngat unit bad kiwei kiwei ki nongialam bad ki dkhot ka JSM

U Paila ula kitbok kitrwiang ba kane ka jingthmu jong ka JSM kanlong kaba jop bad ba kin lah ban iarap bad synniang iaka pisa kaba mih na kane ka jingiakop sha ki briew kiba dei hok ban ioh ki jingiarap.

Kiwei kiwei kiba kren ki kynthup ia u Lammi Syad, working president JSM central body,  P S Phawa Incharge West Jaintia Hills.

Ka jingiakhun kaba plie pyrda ia kane ka jingialehkai football ka dei ka Chirup deilang FC pyrshah ia ka Nida Ksoo FC. Ka Chirup deilang FC ka la pynliem ia ka Nida Ksoo FC da 3 kol la 2 kol.