Ban pynmih pisa ban tei skul, pyllait paidbah ka Demthring Pres. Secondary School WJH iaki ticket lucky draw

Syllad | The Rising MeghalayaMarch 21, 2024

Ka Fete Committee jong ka skul Demthring Presbyterian Secondary School, West Jaintia Hills haka 20 tarik Lber, 2024 kala pyllait iaki ticket lucky draw na ka bynta ban pynmih pisa ban tei pyndep iakia ïing skul.

Ia kine ki ticket lucky draw, la pyllait paidbah da u Ma Medling M Swer uwei na ki riew pawkhmat na thain War Jaintia kum u kongsan haka jingiadonlang u Chairman Fete Committee Ma Elword Ryngkhlem bad kiwei kiwei ki riew rangbah.

U Ma Medling ula kitbok kitrwiang iaka bor pyniaid ka skul bad ki fete committee ba kin lah ban pyniaid beit pynryntih iaki kam khnang ba ki jingthmu ba bha jong ki kan long kaba jop.

U Ma EM Ryngkhlem Secretary Fete Committee ryngkat bad ki dkhot ka fete committee ka skul kila kyntu ia ki paitbah ba kin sngewbha ban thied kylluid mynsiem ia kine ki ticket ban ai jingkyrshan ia ka skul ban myntoi ki khynnah jong ka shnong bad ki shnong ba marjan.

Ka khusnam ki kilong 1^st Prize- T.1 lak 50 hajar, kaba 2^nd Prize- 1 tola ka ksiar bad 3^rd Prize- Mobile Phone.

Ka dor jong ki ticket ka long T.30 shi ticket. Ia kane ka lucky draw yn pynkhalai haka 11 tarik Iaiong ha madan Luti Iaw Demthring.