Ban khanglad iaka jingbret ñiut pathar da ki CCTV pyndait ka Jowai Municipal Board

Syllad | The Rising MeghalayaFebruary 20, 2024

Ban tem iaka jingbret ñiut pathar ha sor Jowai, ka ophis jong ka Chief Executive Officer, Jowai Municipal Board (JMB), kala shim ia ki sienjam ban pyndait da ki CCTV camera ban pynap shrip ia kino kino kiba bret ñiut pathar ha sor Jowai.

Ha kini ki sngi la sakhi ba ki niut ki ñier kila syrtap ha kylleng ka nongbah Jowai, khamtam ki surok shnong kiba don sha kyndong bad kiba kham duna ba iaid briew. Ka surok Dulong College Road bad ki surok ha kyrpong jong ka Thomas Jones Synod College bad ka Jowai Intermediary Road (Ladthadlaboh).

U kyrwoh bala phah da ka ADIPR, Jowai la pyntip ba ka ophis Jowai Municipal Board kala pyndait saw tylli ki CCTV camera hapoh Thomas Jones Synod College, Iawmusiang bad surok bah ka sor Jowai.

Ha kajuh ka por na ka liang ka CEO kala pyntip ruh ba ka trok kit niut jong ka Jowai Municipal Board kan don man la ka sngi naduh ka por 5 baje janmiet haduh 8 baje mynmiet lait noh ha ki sngi U Blei.