Ban ioh UIN pynthymmai iaki license suloi ong u DM East Jaintia Hills

Syllad | The Rising MeghalayaJune 14, 2020

U District Magistrate, East Jaintia Hills District u pynbna paidbah ba ka Sorkar Pdeng lyngba ka tnad ba dei peit ia ki kam Pohiing (Ministry of Home Affairs) kala plie biang ia ka National Database of Arms Licences (NDAL) portal haduh ka 29th June, 2020 na ka bynta ban pynrung ia ki Licence Suloi barim bym pat dep pynrung ha kane ka Portal.

Kumta, la pynkynmaw biang sa shisien ia baroh ki trai License Suloi kiba ioh license ha lane shwa ka 31-12-2018 ki dei ban wanmih sha ka Ophis treikam jong u District Magistrate, East Jaintia Hills District hapoh ka 20-06-2020 ban pynthymmai ia ka license jong ki haka portal thymmai ban ioh ia u Unique Identification Number (UIN) kumba la bthah da ka Sorkar.

Kiba don iaki tiar siat ki dei ban wanrah lang ruh ia ka Residential Certificate na ki Waheh Chnong, ka EPIC bad ka dur shiteng (passport size photo) 2 (ar) tylli. DPRO