Ban ïatylli thaw ki sengbhalang da ka Forum ha East Jaiñtia
KHLIEHRIAT: Ki Sengbhalang bapher bapher napoh East Jaiñtia Hills District kiba kynthup ïaka EJNC, JSM, JYF, HANM, HYC, HNYF, MPUF, NEIPF haka jingïalang kaba long ha pphis ka JSM kaba long haka 21 tarik une u bnai da kawei ka sur kila rai ban thaw noh ïaka da ka forum ban kdup ïa baroh ki sengbhalang ha East Jaiñtia hapoh kawei ka lama kaba la tip kum ka East Jaintia Organisations Forum (EJOF).
La rai ban thaw ïa kane ka forum halor ka nongrim ban ïeng ïaleh ïaki jingeh kiba ïa ka East Jaiñtia Hills District.
Ïa kane ka forum yn khlieh da u Ency Shadap (HANM) kum u chairman, vice chairman u Shnalad Rymbai (JSM), general secretary u Sambormi Lyngdoh (EJNC), assistant general secretary u John Pala (JYF), nongai ktien u Marshall Biam (NEIPF), treasurer u Michal Chyrmang (MPUF), assistant treasurer u Julius Nongtdu (HNYF), chief advisor Leningstar Rymbai (JSM).
La rai ba baroh ki president bad secretary jong ki seng ba ïasoh ha kane forum kinlong kum ki executive member jong ka EJOF.
Ki mat ban kren kane ka forum haka general committee kan long halor ka jingbuhai shnong ki briew kiba nabar ha katei ka district bad ka jingkiew dor ka dewbilat ha rilum Jaiñtia.
Facebook
Instagram
Youtube
Twitter
Leave a Reply