Bam duh ka ding ïaka ïing ha Barato

Syllad | The Rising MeghalayaJanuary 23, 2019

JOWAI: Kawei ïing kala shah bam duh haka ding haka shnong Barato, West Jaiñtia Hills District. Kane ka jingjia kala jia haka por 2.30 PM bad kam don kano kano ka jingjia ba sngewsih.

Ki paidbah ba sakhi kila ïathuh ba kane ka jingjia pluh ding kala jia na daw ka jingthang ki khynnah ïa ki phlang kiba la ïap tyrkhong ha shynkiar jong kane iing. Haka por ba jia kane ka jingpluh ding ym don briew hapoh ïing.

Kane ka ïing ka dei kaba shongwai da ka Kong Rikmenlang Lamin bad kane ka longkmie haka por ba jia kane ka ïng ding ka dang leit saitjaiñ sha ka wah ba don ha shnong Barato.

Ki paidbah nongshong shong kila ai ka jingïarap ïa katei ka longïing, hynrei ka ding kaba klang jur kala bam duh ïaka ïing.