Ba wan pynthud u slap hap pynsangeh iaka District Cricket League ka WJHDCA

Syllad | The Rising MeghalayaApril 30, 2025

Ka jingialehkai league jong ka District Cricket League kaba pyniaid da ka West Jaintia Hills District Cricket Association (WJHDCA) la hap ban pynsangeh noh hadien ba wan ther jur u slap ha madan Khliehtyrshi haka sngi Balang.

Hadien ba jop iaka toss bad jied ban tied nyngkong ka Moodymmai kala lah ban kamai 167/10 na ka 29.5 over. Lai ngut ki nongtied ka Moodymmai kila lah ban ialehkai bha kynthup ia u Pyndap Lamin ula kamai 44 run (not out) ryngkat bad 8 tylli ki boundaries, u Lammi Passah 37 bad u Stewinson Ryngkhlem 30 kynthup kawei ka 6s bad lai ki 4s.

Na kaliang ki nongkawang ball ka Khliehtyrshi, u H Timi Ryngkhlem bad Wan O Rymbai kila ioh khur mar lai wicket, u Demi Dkhar bad u Dachangemi Phawa ruh kila ioih khur wicket.

Dei hashuwa ba ka Khliehtyrshi kan sdang iaka pali jong ka ban tied, u slap ula wan ther jur kaba la hap noh ban rai shisyndon ban pynsangeh noh iaka madan. Kine ki ar liang kila hap ban hun ban sam noh iaka point.

Ka jingialehkai haka 1 tarik Jymmang kan long hapdeng ka West Jaintia Police CC pyrshah iaka Northeast AU (ATS) haka por 9 baje mynstep.