Ba shah byrngem pyniap lyngba ka facebook mudui u nongtrei mon sngewbha

Syllad | The Rising MeghalayaMay 27, 2025

Uwei u nongtrei mon sngwbha uba kyrteng u Flaming B Marak haka sngi ba ar u la leit ban mudui da ka ejahar pyrshah ia u nongpyndonkam facebook uba ai kyrteng Salgro Salagram halor ka jingbyrthen pyniap ia u bad ia kiba haiing hasem jong u.

Ha kane ka jingmudui ba la aiti sha ka Director General of Police (DGP), u Marak u la ong ba ka daw ha lyndet jong kane ka jingshah byrthen ka jong u ka long namar ba u la thep ia ka khubor ha kawei na ki kotkhubor phareng ha kaba iadei bad ka jingshah kem ba dang shen jong ki arngut ki briew namar ka jingpynpaw ia ka jingkyrshan Pakistan ka jong ki ha ka facebook.

“U Salgro Salaram katkum ka kyrteng ha kane ka facebook account u la byrthen ia nga bad ia kiba haiing hasem jong nga ban leh da kaba tyngeh bad ban mad ia ka jingiap,” ong u Marak da kaba kyntu ruh ia ki bor pulit ka jylla ba kin pynlong ka jingtohkit bad ban shim ia ki sienjam pyrshah ia une u briew.