Ba khlad u khynnah skul ka Jylla ha Karnataka, phah ka Sorkar ia 2 ngut ki ophisar

Syllad | The Rising MeghalayaMarch 18, 2025

Ka Sorkar Jylla ha ka 17 tarik Lber ka la phah ia arngut ki heh ophisar na ka Tnad pule puthi ba kin leit sha Karnataka bad ban aiti ia ka kaiphod ha kaba iadei bad ka jingkhlad jong uwei u khynnah skul 13 snem rta na ka jingkynnoh bam ia ka jingbam ba la sniew hapoh ka hostel.

Une u Khynnah skul uba la duh ei ia la ka jong ka jingim u dei uba tip kyrteng kum u Kerlong uba dei na ka shnong Lyndem kaba hap hapoh Pynursla Sub Division.

Ka Sorkar Jylla ka la shimkhia halor kane ka jingjia ha kaba ka la phah ia u Inspector of School bad u Sub Divisional School Education Officer u Bah P Sunn bad u Bah R Kharsyntiew na ka District MIS, PM – POSHAN ban leit sha Karnataka na ka bynta ban iakynduh ia ki bor District bad ruh bad ki kmie ki kpa jong baroh ki khynnah kiba dei na Meghalaya.

Nalor une u khynnah uba la khlad noh ki don sa 23 ngut kiwei pat kiba la ngat ha ka jingshitom jur hadien ba ki bam ia ka jingbam kaba la sniew bala wanrah na ka Hostel ba treikam beain jong ka skul shimet kaba don ha ka shnong T Kagepura ha Malavalli Sub Division jong ka Mandya District.

Na ka liang u Director u la pyntip ba kine ki ophisar kin hap ban aiti ia ka kaiphod kaba bniah ha kaba iadei bad kane ka jingjia.