Ba jur ka jingshah tuh ki ar shaka, kyntu ka Mawlai PS ia ki Rangbah Shnong ban long kiba peitngor

Syllad | The Rising MeghalayaOctober 3, 2023

Na ka liang ka Mawlai Police Station ka la phah da ka jingkyntu sha baroh ki Rangbah Shnong bad ki Rangbah Dong jong ka shnong Mawlai Pyllun ba kin kyntu ia ki paid nongshong shnong kiba buh ia ki kali ar shaka ba kin long kiba husiar bad phikit namar ka jingjur ka jingshah tuh ki kali ar shaka na kane ka thain.

Ki Pulit kila pyntip ruh ba kane ka la wan long hadien ka jingjia shah tuh ba dang shen jong ki katto katne tylli ki ar shaka, kaba kynthup ia ki thuk shuk bad ki scooty na ki bynta jong ka shnong Mawlai bad hadien ba ki pulit ki la lap ba bun ki briew kiba shu pynieng ia ki arshaka jong ki harud surok ha ka por mynmiet myniong.

Nalor kata ka tnat pulit ka la pynpaw ruh ba kane ka jingshah tuh jong ki ar shaka ka la jia khah khah ha ka thain Mawlai kumjuh ha kiwei pat ki bynta jong ka nongbah Shillong.

Khnang ban khanglad ia kum kine ki jingjia ka tnat pulit ka buh ka jingkyntu ia kiba buh kali arshaka ba kim dei ban pynieng harud surok ne ki jaka ki bym don jingshngain bad ba donkam ruh ban teh kynjri wat hadien ba la lock ia ki arshaka jong ki.

Shuh shuh ka tnat pulit ka pyntip ruh ba ki ar shaka kiba set harud surok ki kilong; ha Mawlai Nongpdeng 6 tylli, kata kiba  don ia u nombor:- ML 05 N- 5279 (bike), ML05-Z- 7528(Ntorq), ML05 S 6440 (Duet), ML05 R 3090 (Jupiter), ML05 N 2855 (gusto), ML05 Z 0454 (Ntorq). Nongkwar: ML05 S 6457 (rayz), ML05 P 3304 (gusto), Rymbai petrol pump-ML05 M 8346 (adventure), ML 05 W 9589 (zr Yamaha), ML05 U 8812 (zr Yamaha). Nonglum:  ML05 M 2147- R15, Ml05 N 2714 (scooty) , ML05 N 9024 (scooty). Mawlai Pata  ML05 S 0991 scooty. Kynton Massar: ML05 Y 3550, ML05 M 6114 (gusto) bad ML05 S 6476 (Ray z).