ASSA: Jop ka Seinbhalang Shkentalang haka Super League, ka Lumpyngngad haka semifinal ka Upper Div

Syllad | The Rising MeghalayaDecember 6, 2023

Ka Seinbhalang Shkentalang kala jop da 1-0 iaka YC Pdengkarong haka jingiakhun ba khatduh jong ki haka Super League Football Tournament kaba pyniaid da ka Amlarem Sub Divisional Sports Assocition (ASSA) kaba long ha Ladjaplem ha ka sngi ba Ar.

Ia kane ka shikol ka Seinbhalang Shkentalang la thep da u Abul Sabar haka minit kaba 56′.

Da kane ka namjop ka Shkentalang kala wan haka kyrdan kaba ar hadien ka Amlarem SCC kaba wan haka kyrdan kaba hakhliehduh haka miej iakhein point. Baroh ar tylli kine ki kynhun kila kamai mar 14 point na ki 7 tylli ki jingiakhun, hynrei ka Amlarem kala tam na ka jingiapher haka jingioh thep kol.

Kaba bud ka dei ka Jarain SCC 13 point bad ka Dongmihsngi Mupyut 11 point na ki 7 tylli ki jingiakhun.

Ia kane ka kol la thep da u Abul Sabar haka minit kaba 56.

Haka 6 atrik Nohprah, ka jingialehkai kan long hapdeng ka Man I bha pyrshah iaka Umladkhur SC haka por 2.00 baje nohphai sngi. Ka resol kaba mih na kane ka jingialehkai kaba khatduh kan ai iaka rai mano ban hiar sha ka kyrdan Upper Division mynta ka aiom ialehkai.

Ha kawei pat ka jingialehkai haka kyrdan Upper Division kaba dei ka semifinal kaba nyngkong, Lumpynngad SC ka la pynliem iaka Sohlawait SC da ka tie breaker da 5-4. Ka semifinal ba ar kan long hapdeng ka Syndai Kmai Shnong pyrshah iaka Pamtbuh SC.