Ar taiew buh por ban thung MVI ha Khliehriat ong ka EJHTODA bad ka MPUF

Syllad | The Rising MeghalayaApril 30, 2022

Ka East Jaintia Taxi Owner Driver Association ryngkat ka Meghalaya People United Front (MPUF), East Jaintia ki la dawa na Commissioner ka tnad Transport ban thung noh ïa u MVI (Motor Vehicle Inspector) ha ophis u District Transport Officer (DTO), East Jaintia Hills District.

Ïa katei ka jingdawa la shim haka jingïalang kaba la long ha madan Teilang, Dkhiah West haka sngi Saitjaiñ.

U president ka EJTODA u Tiplang Rymbai ula ong ka jingbymdon u MVI mynta la 6 bnai kynthih ka buh jingeh shibun ïaki paidbah haka jingïadei bad ki kam kali motor.

U president ka MPUF East Jaintia u Kyrshan Blah ula ong ka seng ka ai jingkyrshan pura ïa kane ka jingdawa bad ha jingïadei bad kane ka kam haki khyndiat sngi ba la dep ka seng ka la ai da ka jingthoh ha u Commissioner ka tnad Transport.

Ka jingialang kala ai por ar taïew ban thung ïa u MVI ha katei ka ophis.