Appeal ka Iawmusiang iaka Ladthadlaboh Chutwakhu ban iatreilang haka jingkhangdam ba 36 kynta

Syllad | The Rising MeghalayaApril 23, 2022

Ka Dorbar Chnong Tympang Iawmusiang, Jowai kala appeal ne kyrpad iaka Dorbar Shnong iaka Ladthadlaboh Pyllun bad iaka Chutwakhu kiba don iaki dukan dukdoh bad ki iew hapoh u pud u ang jong ki ban iatreilang haka jingkhangdam kaba 36 kynta halor ka jingphiel ka Jowai Municipal Board ban lum lang ïaki ñiut naki iew ha sor Jowai.

Ka Dorbar Chnong Tympang Iawmusiang hadien bala kut ka jingai por iaka sorkar hynne ka sngi Saitjain kala pynbna syndon jingkhangdam kaba 36 kynta kaban sdang naduh 6 AM jong ka 26 tarik bad kut haduh 6 Pm 27 tarik une u bnai Iaiong.

Pule | Shim ka Dorbar Shnong Tympang Iawmusiang iaka rai kaba tyngeh pynbna khangdam halor ka ñiut Jowai

Kane ka jingkhangdam ka Iawmusiang ka long na ka bynta ban pynbor iaka sorkar ban pynbiang iaka jaka bret ñiut ka Jowai, kumta kala khot ia kine ki ar tylli ki shnong ban ai ka jingiatreilang bad ka jingkyrshan khnang ba ka sorkar kan pynbiang mardor iaka jaka bret ñiut kaba paka ka Jowai.