Ai snam sngewbha ka AJVBDO ha Jowai

Syllad | The Rising MeghalayaJuly 12, 2020

Ka Ai Jingim Voluntary Blood Donors Organisation (AJVBDO) ha ryngkat ka jingtreilang bad ka Farm Connect Development Society (FCDS) haka sngi Saitjain kala ai snam sngewbha haka jaka kynshew snam ka Jowai Blood Bank.

Kane ka jingai snam sngewbha ka AJVBDO bad ka FCDS kadei kum shibynta ban rakhe iaka  World Blood Donors Day.

Shuwa ban ai snam la don ka jingialang kaba lyngkot kaba pyniaid da u Franky Joshua Lyngdoh uba la iathuh iaki jingtreikam ka FCDS kaba trei ia ki project haki thain nongkyndong ba kynthup iaka Lakadong Mission bad ka Bamboo Mission jong ka sorkar bad ka iarap iaki nongrep ha kaban pynmih bad ban pyniaid iew ia ki mar rep jong ki ha ryngkat ka jingiatreilang bad ka sorkar.

‘Ngi sngewkmen ban ioh ka lad ban ai snam sngewbha bad ngi ai khublei ruh ia ka AJVBDO kaba la lamkhmat ia kane ka jingai snam sngewbha ban iarap iaki briew kiba donkam sngewbha,” ong u Franky Joshua.

Ha kane ka jingai snam sngewbha la ioh ruh ka jingkren na ka Dr. P Shylla kaba dei khmih iaka Jowai Blood Bank.