Ai khublei u CM ka jylla halor ka jingjop ka BJP ha ki 3 jylla

Syllad | The Rising MeghalayaDecember 4, 2023

U Myntri Rangbah ka jylla u Conrad K Sangma hynne ka sngi Nyngkong u la ai ka jingkhublei ia ka seng Bharatiya Janata Party (BJP) halor ka jingjop kaba ka la ioh ha ki laitylli ki jylla, kata ha Madhya Pradesh, Rajasthan bad Chattisgarh.

Haba kren sha ki lad pathai khubor, u Sangma u la ong; “Ka jingkyndit kaba khraw eh ka dei halor ka jingjop kaba la wan na ka jylla Madhya Pradesh. Nga ai khublei ia u Shivraj Singh Chauhan namar wat hadien ba u la don ha ka sorkar la bun bun snem hynrei u la lah ban kham lehbha shuh shuh ban pynioh ia kane ka jingjop kaba donburom.”

U Sangma u la ai khublei kyrpang ruh ia u President ka BJP jong ka ri u JP Nadda halor ka jinglah ban lehbha ka party jong u ha kine ki laitylli ki jylla kaba kynthup ia  ka Rajasthan bad Chattisgarh.