Ai khublei ka KSU iaka MLA Sutnga Saipung ba kren halor ka ITI Khliehriat

Syllad | The Rising MeghalayaFebruary 23, 2024

Ka KSU ka ai khublei iaka MLA ka 5 Sutnga Saipung constituency halor ka jingkren jong ka ha kaba iadei bad ka Industrial Training Institute, Khliehriat branch ha iing Dorbar Thaw aiñ ka jylla dangshen.

Kum ban shu pynkynmaw ba ka KSU ka la dawa na u DC ha ka 9 tarik u Jylliew 2023 bad la ai kopi ruh sha baroh ar ngut ki MLA ka thain ban buh iaka ITI ban kyrshan iaki samla ban ieng hala ki jong ki kjat.

Na ka liang u DC u la kyntu iaka KSU ban identify ne jied iaki course kiba ki samla ka thain kin shah hikai ha kane ka shlem, kumta ka KSU kala jied haduh 19 tylli ki courses kynthup iaka Stenographer, plumber, welder, fitter, wireman, electrician, fruit and vegetables processing, mechanic motor vehicle, draughtman Civil, System Maintenance, Carpentry, Digital Photography, Bakery and Confectionery, masonry bad kiwei kiwei.

Ka KSU ka ai khublei ruh iaka sorkar kaba la shim iaka sienjam bad kala sngap iaka jingud u paidbah. Ka KSU ka khmih lynti ba lyngba kane ka shlem ai jinghikai ka ioh ka ka kot ki samla ka thain kan long kaba biang bad ruh kyrmen ba ki nongmihkhmat ki jong ka thaiñ kin dang iai rah iaki mat ba ktah iaka thain East Jaintia Hills district hi baroh kawei hakhmat ka sorkar ban myntoi u paidbah.

Ka KSU kala kyntu iaki samla ka thaiñ ruh ba kin pynkhreh ialade ban rung ha kane ka shlem ai jinghikai khnang ba kin lah ban ieng hala ki jong ki kjat ban kamai jakpoh.