Ai khublei Behdieñkhlam ka Synjuk Waheh Shnong Ri Jaiñtia

Syllad | The Rising MeghalayaJuly 12, 2022

Ka Synjuk Waheh Shnong Ri Jaintia (SWRJ) kala ai khublei Behdieñkhlam basuk ba kmen ia baroh ki khun Niamtre jong ka Seiñraij Jowai bad baroh ki raij ki ban sa pyndep iaka Behdieñkhlam kiba kynthup Tuber, Ialong, Mukhla bad Muthlong.

Ka Synjuk Waheh Shnong Ri Jaintia ha u kyrwoh bala phah da u Ebormi Lyngdoh publicity secretary SWRJ ula ong ba ka synjuk baroh kawei ka phah iaka jingkyrkhuh kyrdoh bad kitbok kitrwiang ia ki khun Nimatre na ki seinraij bapher bapher ha rilum Jaintia ba kin ioh ia ka met ka phad kaba koit ba khiah bad ka roi ka par kaba salonsar.

“To ai ba kane ka Behdieñkhlam kan wanrah iaka jingbha haka imlang sahlang bad ba kan jop iaka sniew ka smeh,” la ong u kyrwoh u ma Lyngdoh.