Ai khublei Behdienkhlam ka Seinraij Jowai

Syllad | The Rising MeghalayaJuly 22, 2020

Ka Seinraij Jowai ka pynpaw iaka jingkmen ba ka Seinraij Tuber kumba ju long manla u snem, mynta ka kynti ruh kala rakhe iaka lehniam Behdienkhlam ha Tuberkmaishnong ban beh iaka khlam bad pang ka shitom khamtam ha kum kane ka por ba saphriang bad wan lyngshop ka khlam COVID-19 ha rilum Khasi Jaintia, ka Jylla bad ka ri bad ka pyrthei baroh kawei.

U Ma Arwot Sumer, General Secretary ha u kyrwoh ba u la phah u ong “Ka Seiñraij Jowai ka ai khublei Behdienkhlam ba suk ba kmen ia baroh ki khun ka Raij Tuber ba kin ioh ka met kaba koit kaba khiah bad biang ka kamai kajih bad ban roi ban par salonsar.

Ka Seinraij Jowai ka ai ruh ka kyrkhu kyrdoh ryngkat ka duwai ban ïaid beit-ïaid ryntih bad ban jop kane ka Behdienkhlam ban beh bad ban khanglad iaka khlam ban rung hapoh ka shnong poh thaw bad ban ioh iaka shongsuk shongsain baroh shi snem lynter.“