Ai jingsneng ka seng JNC ia u BM ka Rural Bank Ladrymbai namar ka jingkhlem akor

Syllad | The Rising MeghalayaAugust 26, 2023

Ki nongialam bad dkhot jong ka seng Jaiñtia National Council (JNC), CEC mynta ka sngi ki la leit ban aijingsneng ia u Branch Manager ka Rural Bank, Ladrymbai  EJHD, namar ka jingmlien ban laplah bad ka jingbym don akor burom ka jong u.

Ka jingshim jong ka seng ia kane ka sienjam ka la wan long hadien ba barabor ka la ioh pdiang ia ka jingujor na ki nongshong shnong kiba don account ha katei ka bank pyrshah ia utei u Branch Manager uba kyrteng u Wilfred Gerald Gatphoh uba ju mlien ban kren baheh bad laplah kaba pynsngewsih shibun khamtam ia kito ki bapli kiba dei ki nongkyndong kiba duk ba suk.

Ha katei ka jingleit iakynduh ka Seng ka la ai ruh ka jingmaham ba nangne shakhmat um dei satia ban shim kabu khamtam ia ki bapli ki duk ki suk, bad ruh ban nang ban kren da ka ktien don burom don akor ia ki briew kiba don account ha kane ka bank.

Na ka liang u Br. Manager ruh u la kular hakhmat ka seng ba  un iai pynneh ia ka burom ha ka ktien ka thylliej, bad ha kajuh ka por u la kular ruh ban ai ka  jingiatreilang bad ki paidbah na ka bynta ka bha ka miat hapoh ka imlang ka sahlang hi baroh kawei.