Ai jingkyrshan ba pura ki Waheh Shnong napoh Narpuh iaka jingiakhih u Bah Ardent

Syllad | The Rising MeghalayaJune 1, 2023

Ngi kum ki Waheh Shnong napoh Narpuh(Border) kaba hap hapoh ka Rilum Jaintia, ngi ai ka jingkyrshan kaba pura (100%), ia ka Jingiakhih jong u Bah Ardent M. Basaiawmoit, na ka bynta ka ka jingdawa ban pynkylla ne pynthymmai noh ia ka Reservation Policy (State Job Reservation Policy). Kane ka jingkyrshan jong ngi ka long namar ka jingiakhih ka long kaba don nongrim na ka bynta ka jingbha jong ka lawei ki khun ki kti jong ngi hapoh ka bri u Hynniewtrep.

Bad lada long kumno kumno ruh, ngin ai jingkyrshan pura ia u Bah Ardent nangne shakhmat ia u Bah Ardent ha kaba iadei bad kane ka bhah thung kam thung jam. Bad lada jia ban mih iamih paitbah ruh ngin iamih ha kano kano ka por.

Bad ha kaba iadei bad ka jingdawa jong ka Synjuk Waheh Shnong Ri Jaintia, kaba mih hapoh Social Media, ngim don kano kano ka jingtip bad ngim don bynta hi ruh ban pharia ia ka Jaitbynriew, hynrei ngi ialong shitylli (kawei) kum kawei ka Jaitbynriew kaba ong, “Khynriam u Pnar u Bhoi u War, u dei u pait Khasi baiar.”