Ai jingiarap ka HYC sha ka jaka ri khunswet ha Tuber

Syllad | The Rising MeghalayaJanuary 15, 2021

Mynta ka sngi kum ka dak ban iarap lem ia kiwei ki para briew ba donkam ka jingiarap, ka seng Hynniewtrep Youth Council (HYC) East Jaiñtia Circle hapoh ka jingialam u vice president u Michal Chyrmang lem bad ki dkhot ka seng kala ioh ban leit ai jingiarap sha kawei ka jaka ri khunswet  kaba la tip kum ka 7-Thyndai Child Care Institution Cum Counselling Centre, kaba la pyniaid da ka seng kynthei jong ka Tuber Kmai shnong, kaba don ha Tuber Kmai Shnong, East Jaiñtia Hills District.

Ka HYC kala ai jingiarap da ki pla kot, ki pela, borti bad kiwei kiwei.

Ka kong Tiewmihpli Lyngdoh kaba dei peit ia kane ka jaka ka la ai khublei ia ka seng HYC kaba la lah ban ai ia kine ki jingiarap ba donkam hapoh kane ka jaka ri khunswet, ka la ong wat la ki long kino kino ki jingai hynrei ki long kiba donkam na ka bynta kane ka jaka.