Ai jinghikai ka Seng Kynthei Shnong Umkiang halor ka jingktah u drok, shongkha khynnah bad ka ain POCSO

Syllad | The Rising MeghalayaNovember 23, 2023

Ka Seng Kynthei Shnong Umkiang ryngkat ka jingiatreilang ka Umkiang Police Patrol Post haka 21 tarik Naiwieng ka la pynlong iaka jingai jinghikai halor ka jingma u drok, ka jingktah na ka jingshongkha khynnah bad ka ain POCSO Act.

Iaka jingialang la pynlong hapoh iing dorbar ka shnong Umkiang. Ki riew shemphang kiba la wan ban ai jinghikai ki kynthup ia u u Dr J. Nongtdu uba dei peit iaka Oral Substitution Therapy ha Khliehriat Civil Hospital, ka Kong R. Kynjing District Child Protection Officer, Khliehriat bad u Incharge ka Umkiang Police Patrol Post u D. Shabong.

U Dr J. Nongtdu ula ong u drug u ktah iaki samla bad u pynjot iaka iing ka sem bad iaka imlang sahlang. Ki samla ki long ka bynta ba kongsan haka imlang sahlang bad dei ban iakhun pyrshah ia u drok ban rung sha ki shnong ki thaw.

Ka Kong R Kynjing ka la batai shaphang ka jingktah jong ka jingshongkha khynnah ha kaba ka la ban iaki khynnah samla namar kane ka long kaba beaiñ bad kaba lah ban ngat ha ki jingpynshitom ba pyrkhing jong ka aiñ. Kala ong ruh ba jingshongkha khynnah ka ktah iaka ioh ka kot bad ka wanrah iaka jingjynjar kaba har rukom kaba ktah iaka kyrdan longkmie longkpa.

U D. Shabong ula batai shaphang ka aiñ kaba tehlakam iaki kam thombor iaka long rynieng jong ki khyllung khynnah kaba tip kum ka POSCO Act. Ula batai ruh ha kaba iadei bad ki kam ba iadei bad ka aiñ ban iarap iaki lanot.

Ha kane ka jingai jinghikai la wan iashimbynta da ki khynnah skul ka Holy Cross School Umkiang, ki dkhot Seng Samla Shnong Umkiang, ki nonghikai, ki longkmie longkpa, ki samla bad ki nongsong Shnong.