Ai jinghikai ka JSU ban kiar ia u drok ha Byndihati
Kum shibynta ban rakhe iaka lyngkhuh snem ba 50 snem ka jingiaid lynti, ka Jaintia Students’ Union (JSU) kala pynlong iaka prokram ai jinghikai ban kiar na drok ha hall St Anthony’s College Extension, Byndihati, East Jaiñtia Hills District.
Ha kane ka jingai jinghikai la iadonlang ka kongsan kong F Wann Extra Assistant Commissioner, East Jaintia Hills District bad symbud kongsan SI S Thamar Khliehriat Police Station
Iaka jingialang la pyniaid da u general secretary JSU central body Treibor R Suchen, kren maitphang da u president JSU Khliehriat Circle Livinson Sana bad ka jingkren pdiang na u Father George Lyngkhoi Principal St.Anthony’s College Extension.
La ai jinghikai da ka Program Manager MCSWA TI CC Khliehriat na ka Mihmyntdu Community Social Welfare Association ( MCSWA) Kong Rinibeth Patlong kaba la hikai halor ka matpdeng ‘A drug free society’ ne ka imlang salang kaba lait na u drok.
La ioh ruh ka jingkren na u Jersom Shylla, president JSU central body nalor kiwei kiwei ki dkhot ka JSU.
Ki khynnah skul ba iashimbynta ha kane ka jingai jinghikai ki dei ka St Antony’s College Extension, Byndihati bad ka Khliehriat Higher Secondary School. Ha kane ka sngi la shim ruh iaka jingkular ban kiar na u drok.
Facebook
Instagram
Youtube
Twitter
Leave a Reply