Ai ba ka iingbishar kan rai ia ka mat halor ka Krem Mawjymbuin: BJP

Syllad | The Rising MeghalayaAugust 10, 2024

Ka Seng Bharatiya Janata Party (BJP) Meghalaya ha ka 9 tarik mynta u bnai ka la ong ba kan ieh ha ka jingstad jong ka iingbishar ba kan shim ia ka rai halor ka mat kaba iadei bad ka Krem Mawjymbuin.

Kane ka mat kaba iadei bad ka jingleh niam hapoh ka krem Mawjymbuin kaba don ha Mawsynram ka dei kaba dang don hapoh ka iingbishar bad kumta ngim don ei ei ban ong tad haduh ba ka iingbishar kan ai ia ka rai.

“Kane ka dei nongrim kaba ka BJP Meghalaya ka ieng halor ka bynta kaba iadei bad ka jingleh niam jong ki riewngeit Hindu hapoh katei ka Krem Mawjymbuin,” ong ka party.

Na ka liang u nongaiktien ka BJP ka Jylla u Arnab Das u la ong, “Ki nongshong shnong Hindu ka Jylla ki ju pynlong ka jingleit duwai hapoh katei ka krem ha kine ki snem kiba la leit noh, hynrei namar mynta kane ka kam ka la don hapoh ka iingbishar, kumta ngi dei ban ap ia ka rai jong ka iingbishar.”

Nalor kata u la ong ruh, “Ngi don ia ka jingngeit kaba skhem ha ka jingstad jong ka iingbishar bad halor ka jingshim rai kaba ngin lah ban pdiang. Ngi kyrmen ruh ba yn lah ban pynbeit ia kane ka kam da baroh ki kynhun kiba ia don bynta.”