85 percent ha JHADC & 76 percent ha KHADC ba wan thep vote

Syllad | The Rising MeghalayaFebruary 27, 2019

JOWAI: Ka jingwan mih ki nongthep vote ban jied MDC sha ki ar tylli ki konsil Jaintia Hills Autonomous District Council (JHADC) kala kot kumba 85 percent ha JHADC bad KHADC 76 percent katkum ka jingkhien kaba la ïohlum haduh ka por 9PM na ki Polling Station.

Ha JHADC ki shynrang 85.187 percent, kynthei 85.988 percent bad KHADC shynrang 74.436 percent bad kynthei 78.716 percent.

Ka jingdon ki nongthep vote ha ki ar konsil kala kot 9,84,477 ngut ki nongthep vote, ka KHADC 7,35,143 ngut ki nongthep vote (4.11 lakh ki kynthei bad 3.83 lakh ki shynrang). Ka JHADC 2,49,334 ngut ki nongthep vote (1.28 lakh kynthei bad 1.20 lakh shynrang).

Katba ki kyrtong ki don haduh 232 candidates na 58 Constituency bad ka rai rem rai jop ïa baroh ki kyrtong kanlong ha u bnai Lber 2 tarik.

Kane ka jingkhein jong ka jingwan ki nongthep vote kam pat dei kaba pura namar ba dang hap ban ap kor EVM kiba wan na ki thaiñ ba jngai bad u Commissioner & Secretary in-charge District Council Affairs (DCA) Tining Dkhar ula ong ba jingwan ki nongthep vote ka lah ban kiew.

Lah ban pynkynmaw ba ha ka elekshon MDC 2014 ka jingwan ki nongthep vote ha JHADC ka dei 79 percent bad KHADC 72 percent.