80,000 ka song pisa kyntiew ka WJDSA haka Super Division Football ha kane ka aiom ïalehkai

Syllad | The Rising MeghalayaJune 12, 2019

JOWAI: Ka West Jaiñtia District Sports Association (WJDSA) kala pynbna paidbah haka sngi Balang ba kala kyntiew ïaka khusnam song pisa jong ki kynhun kiba ïohrah ïaka nam lahduh bad lahduh ba ar haka lympung ïalehkai Super Division-U Kiang Nangbah Memorial Trophy naka T.50 hajar sha ka T.80 hajar ha kane ka aiom ïalehkai.

U Hony. General Secretary WJDSA, Ma Lammat OO Laloo ula ïathuh ba kane kan long ka sien nyngkong eh ba ka WJDSA ban kyntiew ïaka khusnam pisa ïaki lahduh bad lahduh ba ar haka lympung ïalehkai jong ka WJDSA.

Haka Super Division Football ka WJDSA ka ju ai khusnam pisa T.30 hajar iaka lahduh bad ka lahduh ba ar T.20 hajar, hynrei mynta ka kynti la kyntiew sha ka T.50 hajar iaka lahduh bad kaba lahduh ba ar T.30 hajar.

Haka 1st Division Football na ka T.20 hajar sha ka T.30 hajar ïaka lahduh bad ka lahduh ba ar na ka T.10 hajar sha ka T.20 hajar. Ka Second bad Third Division Football pat la kyntiew na ka T.10 hajar sha ka T.20 hajar ïaka kynhun ba rah nam lahduh bad ka lahduh ba ar na ka T.5 hajar sha ka T.10 hajar.

U Lammat OO Laloo ula iathuh ba kane ka khusnam pisa ka WJDSA kan ai naduh kane ka samoi ialehkai 2019.