8 iabit thymmai iaka jingpang COVID-19, kiba koit 6 ngut

Syllad | The Rising MeghalayaDecember 15, 2021

Haka sngi ba Balang ki don 8 ngut kiba iabit thymmai iaka jingpang khlam COVID-19, kiba ioh pat iaka jingkoit ki don 6 ngut bad ka jingdon ki briew kiba iabit khlam baroh kalong 140 ngut ha Jylla.

Katkum ka jingpyntip ka tnad ka Koit ka Khiah, 8 kiba ïabit thymmai ïa kane ka jingpangkhlam bad kine ki kynthup 7 ngut na East Khasi Hills bad iwei na West Garo Hills.

Ki nongpang kiba la ioh pat iaka jingkoit ki don haduh 6 ngut bad kine ki dei tang na East Khasi Hills.

Ka East Khasi Hills ka don 115 ngut kiba dang shitom, East Garo Hills 7, West Garo Hills 8, West Khasi Hills 5, East Jaintia Hills 3 bad mar iwei kiba shitom ha Ri Bhoi bad West Jaintia Hills.

Ka jingdon jong ki briew bala ïabit ïa kane ka jingpang khlam ha Jylla baroh kala kynjoh 84715 ngut bad napdeng kine 83098 ngut kila ïoh ïa ka jingkoit bad 1477 ngut kiba ïap.